لوتدري يالصبح الحــزين..!
2 مشترك
صفحة 1 من اصل 1
لوتدري يالصبح الحــزين..!
سألني ذاك الصبح وفي نبرة حزن..
عن صاحبي وينه رحل..؟
ولو كان برجوعه أمل..!
وعن لهفتي وشوقي وحنين
وعن ذكرياتي بكل حين
وتنهيدتي قبل الجواب
كانت طويله وبحزن
لوتدري يالصبح الحزين؛
اشتقت له وشوقي كبير
ونسياني له شي مستحيل
هذا حبيبي وصاحبي
وهذا بطل حلمي الجميل
فيه أبتدي يومي بسرور
معه السوالف ...وقهوتي أغلى الحضور
ويزعل لو اتعدى الفطور
علمني معنى الإبتسام
واحلى عبارات الكلام
وعلمته حروف القصيد..
يسمع ويقراها ويعيــــد
عرفته الحب الحنون
وعرفني الغيره بجنون..
في كل لحظه وكل حين
أتخيله واسمع أنا ...صوته بحنين
وان ضاقت الدنيا وشفته..!
تحلى به أيامي وتزين
هو فرحتي وحزني وجرحي
وهو دمعتي وشوقي وأنين
وافهمني ياالصبح الحزين:
ماجيت له ناقص حنان
ولاجيت ادور عن كيان
جيت اشتكي له من زمن
قاسي وشربني الحزن
لقيته يشكي لي صبور
وكآآآس الحزن بيده يفور
فديته يالصبح الحزين:
يضحك لي باحساسه الكبير
وبداخله جروحـــه تثيـــر
لوتدري يالصبح الحزين:
ان الحياة بشوفته تسوى كثير
والكون بفراقه غدى بعيني صغير
وهذا انا وانت وهمي والسكوت
ننتظر شمسه متى تشرق..!!!!!!!
وشمعاتي تموت....
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى